I. Requisitos para acudir ao Fondo Galicia Iniciativas Emprendedoras (FGIE)

• Sociedade mercantil cunha data de constitución non superior a 42 meses no momento da solicitude do fondo
• Proxecto innovador. Innovación de produtos/servizos e/ou procesos. Non é necesario que sexan proxectos tecnolóxicos.
• Proxecto con potencial de crecemento e capacidade potencial de internacionalización.
• Proxecto realista, viable técnica, comercial e financeiramente.
• Capacidade técnica e de xestión dos emprendedores e/ou equipo directivo.
• Proxecto invertible, proposta interesante para investidores, entidades financeiras e/ou outras empresas.

II. Características do Fondo Galicia Iniciativas Emprendedoras (FGIE)

O FGIE estrutúrase en 3 tramos diferentes en función das necesidades financeiras totais do proxecto empresarial nos 18 meses posteriores a la solicitude do mesmo.
En función do tramo as necesidades de achegas de capital social por parte dos promotores e as cuantías ata as que pode chegar o FGIE varían.

A achega do FGIE ao proxecto pode constituírse mediante un préstamo participativo na empresa e/ou por unha participación no capital.

A seguinte táboa presenta un esquema dos distintos tramos de necesidades financeiras do proxecto:

(*) Se hai cofinanciamento aprobado en ENISA ata 300.000 €
(**) Para alcanzar o 40% debe de contar coa aprobación da Axencia Galega de Innovación. No caso contrario o máximo será do 35%
(***) Para alcanzar o 30% debe de contar coa aprobación da Axencia Galega de Innovación. No caso contrario o máximo será do 25%

En ningún caso a suma de financiamento público poderá superar o 75% do proxecto.

III. Características das operacións do fondo

Considéranse as condicións seguintes como referencia:

•  Euribor a 3 meses + 4%
•  Amortización en 6 anos
•  Máximo de 2 anos de carencia

IV. Proceso de solicitude do Fondo Galicia Iniciativas Emprendedoras

• Inscribirse na Unidade Galicia Emprende (UGE) e realizar o modelo de plan de empresa a partir do índice da UGE.
• Enlace Web da UGE: http://galiciaemprende.igape.es/hgpyme/index.php
• Elaborar o plan de emrpesa e o plan económico financeiro

Posteriormente dende a Unidade xestionarase e realizarase

• Un pre-informe de viabilidade do proxecto
• Un informe de GAIN sobre o grao de innovación do proxecto
• Un informe de viabilidade do proxecto,

V. Procedemento para a tramitación do préstamo e seguimento unha vez formalizado

• Presentación do proxecto no Comité de investimentos.
• Presentación do proxecto no Consello de Administración, para proxectos encadrados no tramo II e III.
• Formalización do préstamo.
• Proceso de seguimento.
• Proceso de desinvestimento

VI. Garantías e avais requiridos

• O fondo para o tramo I non require garantía (máxima cantidade concedida de 56.250 €).
• O fondo para o tramo II non require garantías (máxima cantidade concedida de 100.000 €).
• Pódense solicitar garantías para o tramo III (máxima cantidade concedida de 150.000 €).