A cooperación empresarial é probablemente a mellor opción que teñen as PEME, con recursos sempre máis limitados que as grandes empresas, para enfrontar con garantías de éxito os retos competitivos que formulan os novos mercados, tanto locais coma internacionais.

O IGAPE confía na capacidade exemplificadora e de arrastre asociada ás iniciativas das agrupacións empresariais innovadoras. Por ese motivo, incentiva o desenvolvemento de proxectos impulsados por asociacións empresariais, para reforzar deste xeito o traballo colaborador e o propio tecido asociativo de Galicia.