Guía País Perú (Fonte Observatorio Internacionalización)
Debido á súa riqueza en recursos naturais, o Perú é un país relevante para o investimento internacional. Cabe destacar o crecemento económico rexistrado durante a última década, probablemente o período máis exitoso da historia económica do país. Grazas a unha agresiva política contra-cíclica (posibilitada pola prudencia da política económica nos anos precedentes), a economía peruana retomou os índices de crecemento de anos anteriores crecendo un 8,8% o ano 2010 e un 6,9% en 2011, estimulado polo bo desempeño principalmente dos sectores construción, comercial e manufectureiro.
