Iata (International Air Transport Association) está a desenvolver un completo programa de simulación de realidade virtual co que quere revolucionar a preparación do persoal auxiliar de terra nos aeroportos e que foi presentado en exclusiva en Madrid este mesmo mes. O programa leva o nome de RampVR e inclúe un completo sistema de realidade virtual inmersiva que simula diferentes actividades en terra, máis de 50 incidencias, diferentes modelos de avións Airbus e Boeing, así como diversas condicións meteorolóxicas e de luz, tanto de día como de noite. Para o seu funcionamento, o sistema inclúe un completo programa informático que simula as operacións, unhas lentes de realidade virtual, un par de detectores de movemento que cobren unha área de tres metros cadrados e un par de mandos para executar as misións que se determinen.

Enlace orixinal: Realidade virtual para mellorar as operacións aeroportuarias en terra