Luns, 30 Abril 2018 00:00

O 68% das empresas industriais españolas están nun estadio de dixitalización medio ou baixo

O 68% das empresas industriais españolas están nun estadio de dixitalización medio ou baixo pixabay.com

O informe Global Operations Study 2018 sinala que o 68% das compañías industriais españolas están nun estadio de dixitalización medio ou baixo e un 32% nun nivel avanzado. O informe clasifica ás empresas industriais en 4 grupos, en función do seu nivel de dixitalización. Así, en España, o 21% das compañías industriais son "digital novices" ou novatas (atópanse nunha fase incipiente de dixitalización), un 47% son "digital followers" ou seguidoras dixitais (contan con algunhas áreas funcionais dixitalizadas e conectadas) e un 27% son "digital innovators" ou innovadoras. Tan só un 5% pode considerarse como "digital champions" ou dixitalmente avanzadas (xa teñen plenamente dixitalizada e integrada toda a súa cadea de valor: desde os procesos de fabricación e as súas operacións, pasando polo seu capital humano, os seus procesos comerciais e as súas relacións con clientes e provedores). O estudo inclúe un índice de dixitalización por país que outorga ás empresas industriais españolas 43,6 puntos, algo por encima da media mundial (43,3 puntos) e superior á da rexión de Europa, Oriente Medio e África (EMEA, 36,8). Con todo, España só conta cun 5% de empresas dixitalmente punteiras en comparación co 10% de media mundial.

Artigo orixinal: Industria 4.0: Global Digital Operations Study 2018